المشاركة الاصلية
منتدي كلية الزراعه جامعه الفيوم
- من وجهة نظرك من المستفيد من الزحام الذى يسيطر على شوارع القاهرة ؟
ــ شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ".
المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " .
المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية .
المستفيد السادس الشركة المصنعة للأدوية المهدئة .
- ما أهم مظاهر الفهلوة عند المصريين ؟
أنهم يشكون فى الشحات ولا يشكون فى النصاب .
- تقرير :45% من الشعب المصرى مصابون بمرض السكر ما تعليقك ؟
آدى اللى خدناه من" الحلوانى " اللى بنى مصر .
- ما الفرق الأهم بين مصر وأمريكا ؟
الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .
- ما أهم قاعدة موجودة فى مصر ؟
ان مفيش قاعدة لأى حاجة
- ما وجه الشبه بين السد العالى وقانون الطوارىء ؟
الأثنان مصدر " للكهرباء!!!" .
- لماذا يطلق المصريون على زوجاتهم لقب " الحكومة "؟
لصعوبة تغييرها مهما تسببت فى كوارث .
- بماذا ستجيب كمصرى عند سؤالك عن عمرك فيما أفنيته بعد عمر طويل ؟
أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى 10 ساعات عشان أروح.
- ليه أكتر ناس بياخدوا مواقف معارضة جريئة هم الناس بتوع الغزل والنسيج ؟
علشان بيشتغلوا فى القطن , و " القطنة ما بتكدبش " زى ماقالت مدام نظيفة.
- امتى بتحس ان البلد حلوة ؟
ما باحسش ان بلدنا حلوة غير لما داليدا تقول : " حلوة يا بلدى " (بغض النظر انها قالتها وانتحرت)
- امتى هناكل جوافة من انتاج مزارع توشكى ؟
لما نلاقى المشمش!!!!!
- هل لك أقارب استشهدوا فى الحرب ؟
لأ عندى أقارب استشهدوا فى السلام ..... " السلام 98" .
- ايه الكلمة اللى ما بتحبش تسمعها وانت فى أوضة العمليات ؟
يا خسارة .
- ما الفرق بين الزوجة المصرية والزوجة اللبنانية ؟
0 4 كيلو جرام على الأقل
- لماذا يقال عن الشعب المصرى انه شعب فوضوى ؟
علشان بيكره " النظام . "
- بعد اضطهاد النادى الأهلى الواضح لنادى الزمالك والمتمثل فى التنكيل به ذهابا وايابا .... ماذا تتوقع لجماهير الأخير ؟
أتوقع أن نقرأ قريبا أخبارا عن زملكاوية المهجر .
مواقع النشر (المفضلة)