نفسى أصرخ بصوت عالى
وأهز الكون بآهاتى وموالى
موال حزين على ناى وربابة
والسميعة زمرة الناس الغلابة
اللى جرحهم الزمان
ولا حسوا فى يوم الأمان
يشكو من المكتوب
والجرح اللى فى القلوب
والدنيا اللى معكساهم
وكشفت عنهم غطاهم
ناس عاشوا قصتى
وخدوا نفس حصتى
من كم الجروح والآلام
وهدم الأمال والأحلام
لكن أرجع وأقول نصيب
ولابد أن سهمه يصيب
ويرشق فى قلب القلب
وتبقى خسارة حرب
حرب بينا وبين المصير
حرب خدونى فيها اسير
بس أنا مش ناوى على السكوت
وأنشالله أخرتها الموت
هصرخ بصوت عالى
وأملى الدنيا بموالى
مواقع النشر (المفضلة)