كلمات : مرسي جميل عزيز
الحان : بليغ حمـــــــــــدي
غناء : كوكب الشرق ام كلثوم
/
\
كلمات عذبة مستاقة من عبقرى المكان والزمان من فينا لم يسمع كلماتهواليكم هذة القصيدة
فات الميعاد
فات الميعاد وبقينا بعاد والنار بقت دخان ورماد
تفيد بايـه يا ندم وتعمل ايه يا عذاب
طالت ليالى الألم واتفرقو الأحباب
وكفايه بأه تعذيب وشقا ودموع فى فراق ودموع فى لقا
تعتب عليا ليه انا بايديه ايه
فات المعاد فات فات المعاد
ياما كنت اتمنى اقابلك بابتسامه أو بنظره حب او كلمه ملامه
بس انا نسيت الابتسام زى مانسيت الآلام والزمن بينسى حزن وفرح ياما
ان كان على الحب القديم ان كان على الجرح الاليم
ستاير النسيان نزلت بقالها زمان
ان كان على الحب القديم وأساها
انا نسيته انا ياريت كمان تنساه
الليل ودقت الساعات تصحى الليل
وحرقت الآهات فى عز الليل
وقسوة التنهيد والوحده والتسهيد لسه ماهمش بعيد
وعايزنا نرجع زى زمان قول للزمان ارجع يا زمان
وهاتلى قلب لا داب ولا حب ولا انجرح ولا شاف حرمان
من نارى من طول لياليا وفرحة العزال فيا
من قسوتك وانت حبيبى وقسوة الدنيا عليا
بينى وبينك هجر وغدر وجرح فى قلبى داريته
بينى وبينك ليل وفراق وطريق انت اللى باديته
تعتب عليا ليه انا بايديه ايه
فات الميعاد فات الميعاد
هل يستطيع أحد أن ينسى هذة الكلمات؟
مواقع النشر (المفضلة)