فاكر أول لقانا والله للحب هدانا
--------------------------------------------------------------------------------
فاكر أول لقانا والله للحب هدانا
كان الحب اللى بينا برضانا
واتعاهدنا نتحمل الامانه
فاكر الزغاريد ساعة كتابة كتابنا
وجوم باركولنا قرايبنا وحبايبنا
كانت أحلا ليله فى حياتنا
والذفه ورانا...... لبيتنا
بعدها.... قفلنا علينا بابنا
كانت أحلا ليله فيها سهرنا
كانت أول لقا حقيقى لقلوبنا
وأحلا كلام فيها قلناه..وقلنا وقلنا
فكرتنى باول يوم فيه اتقابلنا
فكرتنى....... ساعة ما جيتنى
وأنا وأهلى عليك........ وافقنا
كنت باحس فيك........ بالأمان
وانك نور منور...... ......بيتنا
كنت بأحس.......... بطيبة قلبك
وبيك حتكمل.............سعادتنا
كنت . أمين لما. كنت . بتقابلنى
عشان كدا أنا وأهلى ذاد بيك احترامنا
وتقوللى لا اله الا الله وانت بتودعنى
كنت الاسوه. الحسنه. لكل .شبابنا
ليله كانت أحلا ليله فيها قلنا وقلنا
ما فاتكشى حتى صلاة الفجر ليلتها
وقولتلى حادعى لربنا يبارك لينا فى حياتنا
ورجعتلى بوش منور لعروسه فى صباحيتها
لقيتها راكعه وساجده لله بتصلى فى بيتها
بعدها..بدأ أول يوم فى حياتنا
وجوم كل الأهل والحبايب يهنونا فى صباحيتنا
جوم يباركوا لينا ويشاركوا فرحتنا
ومن يومها وانا وانت ابتدينا فى الحياه رحلتنا
والنهارده بعد سينين طويله من العمر كبرنا
ولسه وكأننا فى أول ليله فيها اتقابلنا
فى سعاده وكملت سعادتنا ومعانا ولادنا
سينين من العمر طويله ومع بعض عمرنا ما افترقنا
وجاى لينا عريس يطلب ايد بنتنا منا
علشان من جديد نكرر أول يوم فيه اتقابلنا
**************
الموضوع الأصلي: فاكر أول لقانا والله للحب هدانا // الكاتب: الشاعر شوقى غنيم // المصدر: خير بلدنا الزراعي
مواقع النشر (المفضلة)