الوان ..الوان...الوان
حياتنا بقت كلها افنان
دور حواليك ايه مش الوان
هتلاقي اسود..ابيض..الوان
الوان..الوان..الوان
الضحكة بقت الوان
الخير بقى الوان
الناس نفسها شوية الوان
كداب اللي يقول فينا لون
احنا مجموعة من الالوان
دور جواك شوف كام لون
طول النهار بتتكلم بجنون
قلب صفحاتك شوف كام لون
هتلاقي حب ويأس ..حنين
وشجن...امل ودمار ..الوان
بس في النهاية احنا كام لون
كل يوم في الدنيا حال يكون
والمضمون احنا فيها كام لون
كم واحد ضحكت ليه وجواك شجون
كم مرة نافقت ومدحت بجنون
شوف جواك كده ايه المسكون
هتلاقي جرح وآه ....فنون ..فنون
عد معايا كده ..جواك كام لون
حبيت الصدق..عشته في المكنون
طب ليه كدبت ..كدبت بجنون
دافعت ياما عن الحق بالكون
طب ليه ظلمت نفسك وماكنتش حنون
الوان..الوان....الوان..الوان
ايه في الدنيا مش ألوان
الورد نفسه حوالينا الوان
الطيور كمان شوية الوان
حتى حالنا مع نفسنا ألوااااااان
واستحالة تنتهي علبة الالوان
كل يوم تسحب لون..لون
رسمت اللوحة خلاص..اتملت الوان
تهت طبعا معايا يا فنان
الوان..الوان.....الوان..الوان
بس هيجي يوم وكله لازم يبان
مواقع النشر (المفضلة)