مين اكتر واحد ف الدنيا.. حب باخلاص
مين اكتر واحد بيحس..... بأوجاع الناس
مين فينا بيحكم بضميره .........مين فينا بيحس بغيره
تايهيين ف جراحنا ومشاكلنا ......عايشين وخلاص
مين اكتر واحد ف الدنيا حب باخلاص
************
مين اكتر واحد بيطبطب....... على أمه وأبوه
مين فينا بيحاول يسأل........ على أخته وأخوه
مين فينا بيساعد غيره............. والناس حبوه
إيه بس اللي جرالنا يا عالم..... الرحمة يا هو
بندور على لقمه عيشنا ......وندور من بعض وشوشنا
مشاعرنا بقت صعبه وخشنه....... وعايشين وخلاص
مين اكتر واحد ف الدنيا حب باخلاص
************
في ناس بتشقى وبتضحى...... علشان الناس
وناس بتاخد ولا تدى....... ومافيش إخلاص
وناس بتساعد بعضيها.... وناس الحقد ماليها
عماله تستهبل فيها....... وعايشين وخلاص
يا دنيا مال ناسك مالها.....إيه اللي غير أحوالها
صدق اللي كان قبلينا قالها .......دى الناس للناس
مين اكتر واحد ف الدنيا حب باخلاص
مين اكتر واحد بيحس بأوجاع الناس
الله عليك يابن الشيخ
لما تلعلع بكلام وصريخ
وتنادى على الناس وتهلل
يمكن تلاقى اللى يفسر ويحلل
الله عليك يا شاعر يا كبير
لما تقول بقول وتعبير
لكن لمن هنادى وندور
والناس والدنيا بتتغير
والبركة راحت من زمان
وبنعيش أيام كلها حرمان
مواقع النشر (المفضلة)