السلام عليكم
اخى العزيز استاذ محمود و السادة اعضاء منتدى خير بلدنا
انا متابع موضوعاتكم عن الاستزراع السمكى
و كنت فكرت انى اشارك ناس اصحابى و نأجر مزرعة سمكية او نشتريها بحيث نبدأ مشروعنا الخاص و ده وفقا لدراسات الجدوى اللى احنا قرأنها على الاننترنت اللى بتوضح ان العائد من الاستزراع السمكى عالى, بس بصراحة موضوع الاستاذ محمود - اكتشاف أخطاء دراسات الجدوى الاقتصادية لمشروعات الاستزراع السمكى وتربية الأحياء المائية - ده خلانا نفكر تانى فى جدوى المشروع و قلقنا اكتر و خاصة اننا اتعرض علينا مزرعة 12 فدان بايجار سنوى 12 الف جنيه فاحنا سألنا انفسنا لو كانت المزرعة دى بتجيب عائد كويس جدا عمر ما صاحبها يأجرها بالمبلغ ده
فيا ريت لو تدلونا نعمل ايه و الجدوى الاقتصادية ايه من المشروع - و يا ترى المزراع الطينية احسن ولا الاحواض الخرسانية او العوازل البى فى سى ؟؟؟؟؟
انا منتظر ردكم فى اسرع وقت علشان احنا المفروض ناخد قرار الاسبوع ده علشان نلحق الموسم
و لكم الف شكر منى و تحية
الموضوع الأصلي: محتاج نصيحة ضرورى و سريعة للجدوى فى المزارع السمكية // الكاتب: mada0202 // المصدر: خير بلدنا الزراعي
مواقع النشر (المفضلة)